គ្រួសារនាយរងប៉ុស្តិ៍ម្នាក់រងការបំពុល បណ្តាលឲ្យប្តីស្លាប់ រីឯប្រពន្ធ និងកូន៣នាក់កំពុងសង្គ្រោះបន្ទាន់ ~ រំភើបចិត្ត

នារសៀលថ្ងៃទី២៥ ខែឧសភា ឆ្នាំ២០១៥នេះ មានហេតុការណ៍គួរឲ្យតក់ស្លុត និងភ្ញាក់ផ្អើលមួយបានកើតឡើងនៅលំនៅឋានលោកនាយរងប៉ុស្តិ៍នគរបាលរដ្ឋបាលសង្កាត់សៀមរាប ក្រុងសៀមរាប ខេត្តសៀមរាប ម្នាក់ ទទួលរងការពុលថ្នាំមួយគ្រួសារតែម្តង ដោយបណ្តាលឲ្យបុរសជាប្តីស្លាប់បាត់បង់ជីវិត និងស្ត្រីជាប្រពន្ធ ព្រមទាំងកូនប្រុស-ស្រីចំនួន៣នាក់ទៀតមានសភាពពុលធ្ងន់ធ្ងរ កំពុងសង្គ្រោះបន្ទាន់នៅមន្ទីរពទ្យ ។
សមត្ថកិច្ចនគរបាលដែលបានចុះទៅពិនិត្យដល់លំនៅឋានកើតហេតុឲ្យដឹងថា បុរសជាស្លាប់បាត់បង់ជីវិតដោយសារការពុលថ្នាំនោះ មានឈ្មោះ ជុំ ចាន់ព្រឹក្សា អាយុ៣៨ឆ្នាំ ជាមន្ត្រីនគរបាលជាតិ ឋានន្តរស័ក្តិអនុសេនីយ៍ទោ មានតួនាទីជានាយរងប៉ុស្តិ៍នគរបាលរដ្ឋបាលសង្កាត់សៀមរាប និងស្ត្រីជាប្រពន្ធមានឈ្មោះ ឈឹម ចាន់នី អាយុ៣៧ឆ្នាំ ព្រមទាំងកូនក្នុងបន្ទុកចំនួន៣នាក់ទៀតដែលកំពុងសង្គ្រោះបន្ទាន់នៅមន្ទីរពេទ្យនោះ មានឈ្មោះ ជុំ ភក្តី ភេទប្រុស អាយុ១៦ឆ្នាំ, ឈ្មោះ ជុំ ចាន់រក្សា ភេទប្រុស អាយុ១៣ឆ្នាំ និងឈ្មោះ ជុំ នីតា ភេទស្រី អាយុ៨ឆ្នាំ ។
បច្ចុប្បន្ន សមត្ថកិច្ចជំនាញកំពុងធ្វើការស្រាវជ្រាវអំពីប្រភេទថ្នាំដែលធ្វើឲ្យពុលដល់គ្រួសាររងគ្រោះទាំងមូលនេះ និងអំពីមូលហេតុដែលធ្វើឲ្យពុលថ្នាំធ្ងន់ធ្ងរក្នុងគ្រួសារដូច្នេះផងដែរ ខណៈប្រភពព័ត៌មានមាត់ចាបមាត់ព្រាបពីអ្នករស់នៅក្បែរខាងលំនៅឋានគ្រួសាររងគ្រោះ បាននិយាយលាន់ៗថា មុនពេលកើតហេតុ បុរសជាប្តីដែលជាមន្ត្រីនគរបាលជាតិរូបនោះមានទំនាស់គ្នាជាមួយប្រពន្ធ ទើបបណ្តាលឲ្យបុរសជាប្តីគិតខ្លីដាក់ថ្នាំបំពុលឲ្យស្លាប់មួយគ្រួសារតែម្តង ប៉ុន្តែជាលទ្ធផលចុងក្រោយ ស្លាប់បាត់បង់ជីវិតខ្លួនឯងទៅវិញ និងបន្សល់ទុកនូវប្រពន្ធ និងកូនឋិតក្នុងបន្ទុកចំនួន៣នាក់ កំពុងសង្គ្រោះបន្ទាន់នៅមន្ទីរពេទ្យដ៏គួរឲ្យតក់ស្លុតបំផុត ៕

ប្រភព៖http://www.dtn7.com/

គ្រួសារនាយរងប៉ុស្តិ៍ម្នាក់រងការបំពុល បណ្តាលឲ្យប្តីស្លាប់ រីឯប្រពន្ធ និងកូន៣នាក់កំពុងសង្គ្រោះបន្ទាន់

0 comments:

Post a Comment

Search

Popular Post

Introduction

Schedule

Total Vistitors

Visitors Online