លោក ភឿង កុម្ភៈ៖ ពី​អ្នកបកប្រែ​នៃ​តុលាការ​ខ្មែរក្រហមទៅ​ជា​មេ​គុក​ទួលស្លែង

លោក ភឿង កុម្ភៈ បានបញ្ចប់​ថ្នាក់អនុបណ្ឌិត ផ្នែក​អក្សរសិល្ប៍​បារាំង​នៅ​ប្រទេស​បារាំង និង​បច្ចុប្បន្ន​លោក​ជាម​ន្ត្រី​ធ្វើការ​នៅ​សាលាក្តី​ខ្មែរក្រហម​ផង​នោះ ត្រូវបាន​ជ្រើសរើស​ជា​តួអង្គ ឌុ​ច នៅក្នុង​ភាពយន្ត​របស់​សមិទ្ធិ​ករ​បារាំង ដែលមាន​ចំណងជើង​ថា«ពេលដែល​ត្រូវ​សារភាព»។ លោក ភឿង កុម្ភៈ ពន្យល់​ពី​អត្ថន័យ​នៃ​សាច់​រឿងនេះ​យ៉ាង​ដូច្នេះ​ថា៖ «លោក ឌុ​ច ពេលខ្លះ ជា​មនុស្ស​សាមញ្ញ​ធម្មតា ជា​មនុស្ស​សុភាព គួរ​ឲ្យ​គោរព និង​ជា​មនុស្ស​មានចំណេះដឹង ឆ្លាត​ឈ្លាសវៃ។ ប៉ុន្តែ ពេលខ្លះ​ឃើញ​លោក ឌុ​ច ជា​មនុស្ស​សាហាវឃោរឃៅ​ទៅវិញ»។ នេះ​ជា​សំនួរ​មួយ​ដែល​គេ​សួរថា លោក ឌុ​ច ជា​មនុស្ស​សុភាពរាបសា​រ ចេះដឹង ហេតុអ្វី​បានជា​បញ្ជា​ឲ្យ​អ្នកក្រោមបង្គាប់​លោក សម្លាប់​មនុស្ស​រាប់ម៉ឺន​នាក់​ទៅវិញ?