ភ្នំពេញ ៖ បុរសម្នាក់ត្រូវបានសមត្ថកិច្ច នគរ បាលប៉ុស្តិ៍ទឹកល្អក់ទី១សហការជាមួយគណគ្រប់គ្រងសាលាជា ស៊ីម សន្ធរម៉ុកធ្វើការឃាត់ខ្លួនបានជាក់ស្តែង ក្នុងខណៈពេលដែលបុរសម្នាក់នេះកំពុងតែធ្វើសកម្មភាពគំរាមសិស្សសាលា២នាក់យកលុយ។
ជនសង្ស័យត្រូវបានឃាត់ខ្លួនកាលថ្ងៃទី២៥–០៥–២០១៥ វេលាម៉ោង១៤:៣០នាទី នៅក្នុងវិទ្យាល័យ ជា ស៊ីម សន្ធរម៉ុក ផ្លូវលេខ១២៨ ក្រុមទី១ ភូមិ១ សង្កាត់ទឹក ល្អក់ទី១ ខណ្ឌទួលគោក រាជ ធានីភ្នំពេញ។
ជនសង្ស័យម្នាក់នេះ ត្រូវបានប៉ូលិសប្រាប់ឲ្យស្គាល់ឈ្មោះ សុង បញ្ញា ហៅ ញ៉ា ភេទប្រុស អាយុ ២២ឆ្នាំ ជនជាតិខ្មែរ មុខរបរពុំពិតប្រាកដ ស្នាក់នៅ ផ្ទះលេខ១៥៤ ផ្លូវលេខ១៥៦ ហ្សេត សង្កាត់ទឹកល្អក់ទី២ ខណ្ឌទួលគោក រាជធានីភ្នំ ពេញ។ ចំណែកជនរងគ្រោះ ទី១-ឈ្មោះ ងិន ជ័យសិទ្ធ ប្រុស អាយុ ១៥ឆ្នាំ មុខរបរសិស្សថ្នាក់ទី៩ អនុវិទ្យាល័យសន្ធរម៉ុក ស្នាក់នៅផ្ទះ លេខ១៤១ ផ្លូវលេខ១៣៨z ក្រុមទី៧ ភូមិ២ សង្កាត់ទឹក ល្អក់និងទី១ ខណ្ឌទួលគោក ; ២ ឈ្មោះ អិន គឹមឈាង ភេទ ប្រុស ស្នាក់នៅផ្ទះជួល ផ្លូវ លេខ២៧១ សង្កាត់ទឹកថ្លា ខណ្ឌសែនសុខ។
មន្ត្រីប៉ូលិសប៉ុស្តិ៍ទឹកល្អក់ទី១បានឲ្យដឹងថា ជនសង្ស័យម្នាក់នេះកន្លងមកតែងតែធ្វើសកម្មភាព គំរាមសិស្សយកលុយពី១ពាន់ ទៅ២ពាន់រៀល ដោយគំរាមកំហែង ថា បើមិនឱ្យបើវាឆែកឃើញ មានប៉ុន្មានយកទាំងអស់ លុះមកដល់ថ្ងៃកើតហេតុសកម្មភាពនេះនៅតែបន្តទៅលើជន រងគ្រោះទាំងពីរនាក់ខាងលើ ទើបកម្លាំងមានសមត្ថកិច្ចធ្វើការឃាត់ខ្លួនបានជាក់ស្តែងតែម្តង ដើម្បីបំបាត់ការភ័យខ្លាច និងកង្វល់ របស់ឪពុកម្តាយសិស្ស។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាល ខណ្ឌទួលគោក ដើម្បីបញ្ជូន ទៅតុលាការផ្ដន្ទាទោសតាម ផ្លូវច្បាប់៕
ប្រភព៖http://kampucheathmey.com/
Subscribe to:
Post Comments (Atom)
0 comments:
Post a Comment