នារីម្នាក់សង្ស័យមានវិបត្តិជាមួយសង្សារចង.កធ្វើអត្តឃាតនៅក្នុងបន្ទប់ជួល ~ រំភើបចិត្ត

រាជធានីភ្នំពេញ ៖ នារីរូបស្រស់ម្នាក់បានសំរេចចិត្តចង.កធ្វើអត្តឃាតរហូតសពធុំក្លិនស្អុយទៅហើយ ទើបធ្វើឲ្យមានការភ្ញាក់ផ្អើល កាលពីវេលាម៉ោង៥ល្ងាច ថ្ងៃទី២៥ ខែឧសភា នៅក្នុងបន្ទប់ជួលលេខ១១បេ ផ្ទះលេខ២៤ ផ្លូវលេខ៦៣ ជាប់របងវិហារយេស៊ូ ក្រុម៧ ភូមិ១៣ សង្កាត់ទន្លេ បាសាក់ ខណ្ឌចំការមន ។

សពមានឈ្មោះ សុំ សំបូរ ហៅម៉ុម សំបូរ ភេទស្រី អាយុ២៦ឆ្នាំ មុខរបរនៅផ្ទះ ស្នាក់នៅបន្ទប់ជួលកើតហេតុខាងលើ មានស្រុកកំណើត នៅភូមិក្បាលទំនប់ ឃុំអូរតាពណ៌ ស្រុកម៉ាឡៃ ខេត្តបន្ទាយមានជ័យ ។

តាមសម្តីរបស់អ្នកជួលបន្ទប់នៅជិតគ្នាបានឲ្យដឹងថា បន្ទាប់ពីមានធុំក្លិនស្អុយទើបនាំគ្នាទៅ ប្រាប់ម្ចាស់ផ្ទះគាស់ទ្វារចូលទៅមើល ឃើញនារីខាងលើយកក្រមាចង.កនឹងសសរដែក ស្លាប់ឡើងហើមចេញទឹកទៅហើយ ក៏បានសមត្ថកិច្ចរាយការណ៍ទៅសមត្ថកិច្ចចុះមកពិនិត្យធ្វើកោសល្យវិច័យ ។

អ្នកជិតខាងបន្តទៀតថា នាងជាមនុស្សរួសរាយរាក់ទាក់មិនដែលមានជម្លោះជាមួយអ្នកណាទេ ។

តាមរយៈសាច់ញាតិនារីចង.កធ្វើអត្តឃាតបានឲ្យដឹងថា បញ្ហាដែលនាំឲ្យនាងចង.ក ដោយសារតែមានបញ្ហាសេដ្ឋកិច្ច រៀនចប់ តែមិនទាន់មានការងារធ្វើផង និងម្យ៉ាងទៀត អាចមានវិបត្តិជាមួយសង្សាររបស់នាង ។

សពបន្ទាប់ពីធ្វើកោសល្យវិច័យរួចហើយបានប្រគល់ឲ្យសាច់ញាតិដឹកយកទៅធ្វើបុណ្យតាម ប្រពៃណីនៅស្រុកកំណើត ៕