ត្រឹមតែរយៈពេល៤ថ្ងៃប៉ុណ្ណោះ មនុស្សប្រមាណ៤០០នាក់បានស្លាប់បាត់បង់ជីវិត ដោយសាររលកកំដៅវាយប្រហារលើមនុស្សនៅប្រទេសឥណ្ឌា។ នេះបើតាមការបញ្ជាក់ពីមន្ត្រីជាន់ខ្ពស់ឥណ្ឌាកាលពីថ្ងៃទី២៤ខែឧសភា ។ មន្ត្រីជាន់ខ្ពស់ឥណ្ឌារូបនេះបានឱ្យដឹងថា នៅភាគខាងត្បូងរដ្ឋអ៊ែនយ្យា ផ្រាដេស(Andhra Pradesh)ប្រទេសឥណ្ឌា រលកកំដៅបានសម្លាប់មនុស្សប្រមាណ២០០នាក់។ ដោយឡែក មនុស្សស្លាប់២០០នាក់ទៀតនៅជិតរដ្ឋ តេឡាហ្គាណា(Telangana)ប្រទេសឥណ្ឌា។ ពួកគេទាំងនោះបានស្លាប់ដោយសាររលកកំដៅនេះ ដោយសារពួកគេគ្មានផ្ទះសំបែង ហើយភាគច្រើនស្លាប់ដោយសារដាច់សសៃឈាមខួរក្បាល។ ដោយឡែកសីតុណ្ហភាពនៅប្រទេសឥណ្ឌាកើនកំដៅដល់៤៥អង្សាសេ។
មន្ត្រីជាន់ខ្ពស់ឥណ្ឌារូបនេះបានបន្តឱ្យដឹងទៀតថា នៅភាគខាងជើងប្រទេសឥណ្ឌា កំដៅកើនដល់៤៥អង្សាសេ ហើយកំដៅនេះនឹងរាលដាលទៅប្រទេសប៉ាគីស្ថាន៥០អង្សាសេ។ លោកបានប្រាប់ទៀតថា ការកើនកំដៅដដែលនឹងរាលដាលនៅប្រទេសឥណ្ឌាជាបន្តទៀត។ ហេតុនេះលោកសុំអំពាវប្រជាជនឥណ្ឌាពិសារទឹកឱ្យបានច្រើនមុននឹងចេញដំណើរទៅណា៕(ដោយ៖លាង ធីតា)
Subscribe to:
Post Comments (Atom)
0 comments:
Post a Comment