សិស្សប្រុសដែលប្រើអំពើហិង្សាវាយធ្វើបាបសិស្សស្រីក្នុងបន្ទប់ថ្នាក់រៀននៅសៀមរាប ត្រូវសមត្ថកិច្ចចាប់ឃាត់ខ្លួនហើយ ~ រំភើបចិត្ត

ប្រភពព័ត៌មានច្បាស់ការណ៍ពីខេត្តសៀមរាប បានឲ្យដឹងថា សិស្សប្រុសដែលប្រើអំពើហិង្សាវាយធ្វើបាបទៅលើសិស្សស្រីក្នុងបន្ទប់ថ្នាក់រៀននៃវិទ្យាល័យដំដែក ស្រុកសូទ្រនិគម ខេត្តសៀមរាប កាលពីវេលាម៉ោង០៩និង០៥នាទីព្រឹក នាថ្ងៃទី២១ ខែឧសភា ឆ្នាំ២០១៥កន្លងមក ធ្វើឲ្យភ្ញាក់ផ្អើលពេញបណ្តាញព័ត៌មានសង្គម Facebook ដ៏ពេញនិយមនោះ ត្រូវបានសមត្ថកិច្ចនគរបាលស្រុកសូទ្រនិគម ខេត្តសៀមរាប ចាប់ឃាត់ខ្លួនកសាងសំណុំរឿងតាមនីតិវិធីនៃច្បាប់ហើយ បន្ទាប់ពីទទួលបានពាក្យបណ្តឹងរបស់ភាគីសិស្សស្រីរងគ្រោះ និងបែកធ្លាយព័ត៌មានតាមបណ្តាញព័ត៌មានសង្គម Facebook ។

លោកវរសេនីយ៍ទោ ទេព ចាន់ណា អធិការនៃអធិការដ្ឋាននគរបាលស្រុកសូទ្រនិគម ខេត្តសៀមរាប បានបញ្ជាក់នៅក្នុង Timeline របស់អធិការដ្ឋានឲ្យដឹងថា សិស្សប្រុស(ជាជនសង្ស័យ)ដែលវាយទៅលើសិស្សស្រីនៅក្នុងបន្ទប់ថ្នាក់រៀននោះ មានឈ្មោះ ហុង សុជី អាយុ១៧ឆ្នាំ សិក្សានៅថ្នាក់ទី៩"ខ" មានទីលំនៅភូមិជ្រៃខាងជើង ឃុំកៀនសង្កែ ស្រុកសូទ្រនិគម ខេត្តសៀមរាប និងសិស្សស្រីរងគ្រោះមានឈ្មោះ វីរៈ មណីនាថ អាយុ១៤ឆ្នាំ សិក្សានៅថ្នាក់ទី៩"ខ" មានទីលំនៅភូមិដំដែកផ្សារ ឃុំដំដែក ស្រុកសូទ្រនិគម ខេត្តសៀមរាប ។

គេមិនទាន់ដឹងថា យុវជនឈ្មោះ ហុង សុធី ដែលជាជនដៃដល់ប្រើអំពើហិង្សាទៅលើសិស្សស្រីរៀននៅថ្នាក់ជាមួយគ្នា នឹងត្រូវប្រឈមមុខតាមផ្លូវច្បាប់ដល់កម្រិតណានោះនៅឡើយទេ ខណៈក្រសួងអប់រំ យុវជន និងកីឡា បានប្រតិកម្មចេញសេចក្តីប្រកាសព័ត៌មានរបស់ខ្លួនមួយរួចហើយ កាលពីថ្ងៃទី២៤ ខែឧសភា ឆ្នាំ២០១៥ម្សិលមិញ និងខណៈមជ្ឈដ្ឋាននានាបានសម្តែងនូវការរិះគន់ថា ករណីនេះគឺបង្ហាញឲ្យឃើញពីការធ្លាក់ចុះយ៉ាងខ្លាំងនៃសីលធម៌សង្គមក្នុងវិស័យអប់រំបច្ចុប្បន្ន ៕

0 comments:

Post a Comment

Search

Popular Post

Introduction

Schedule

Total Vistitors

Visitors Online