នាយក្រឹម និងនាងលាភ លួចបង្កាត់កំសួលភ្លើងស្នេហ៍ចាស់ឡើងវិញ ~ រំភើបចិត្ត

ភ្នំពេញ ៖ អស់រយៈពេលយូរក្រែលដែរហើយ ដែលមហាជនទូទៅដឹងថា តារាកំប្លែងល្បីឈ្មោះតាំងពីអំឡុងឆ្នាំ១៩៨០ លោកអ៊ូ ប៊ុនណារ៉ាត់ ហៅនាយក្រឹម និងនាងលាភ លួចបង្កាត់ភ្លើងស្នេហាជាមួយគ្នាយ៉ាងស្អិតល្មួត ហើយបើតាមការនិយាយអេចអូចចេញពីអ្នកសិល្បៈរួមក្រុមជាមួយ បានធ្លោយមាត់ប្រាប់ឲ្យដឹងថា រហូតមកដល់ពេលនេះអ្នកទាំងពីរនៅតែមានទំនាក់ទំនងស្នេហាក្រៅឆាកជាមួយគ្នាយ៉ាងក្តៅគគុកដដែល។

អ្វីដែលតារាកំប្លែងនាយក្រឹមបានបង្ហាញឲ្យឃើញនូវភាពល្អូកល្អឺនបេះមិនដាច់ជាមួយនាងគង់ ចាន់ស៊ីណា ហៅនាងលាភនេះដែរត្រូវបានមជ្ឈដ្ឋានមហាជន និងអ្នកសិល្បៈនិយាយថា តាមពិតទៅការបង្ហាញឲ្យឃើញពីសកម្មភាពយកនាងលាភធ្វើជាគូកំណាន់ក្រៅឆាកនេះ នរណាក៏គេដឹងនិងយល់ពីភាពស្និទ្ធស្នាលនេះដែរគឺគ្រាន់តែគេខ្ជិលឈឺឆ្អាល ឬទៅជ្រលក់ និងរមាស់មាត់ជាមួយអ្នកទាំងពីរតែប៉ុណ្ណោះ ព្រោះតែគិតថាវាគ្មានប្រយោជន៍។

រាល់សកម្មភាពមនោសញ្ចេតនា ដែលត្រូវបានគេសង្ស័យថា កំពុងតែឈានដល់ដំណាក់កាលមានស្នេហាយ៉ាងផ្អែមត្រជាក់ប្រៀបបានស្រមោច និងស្ករក្នុងពាងរវាងនាយក្រឹមនិងនាងលាភនេះដែរ ត្រូវបានអ្នកសិល្បៈក្នុងក្រុមកំប្លែងរបស់នាយក្រឹមនិយាយថា ពួកគេមានការទើសភ្នែកខ្លាំងណាស់នៅពេលឃើញនាយក្រឹម និងនាងលាភបញ្ចេញនូវកាយវិការស្អិតល្មួតនឹងគ្នាបេះមិនចេញដូចលាបកាវ៥៧០ក្នុងចំណោមក្រសែភ្នែករបស់មហាជន ក៏ដូចជាក្នុងកម្មវិធីជួបជុំអ្នកសិល្បៈជាដើមនោះគឺវាខុសប្លែកពីទំនាក់ទំនងធម្មតា ដោយពេលខ្លះគេឃើញនាយក្រឹមផ្ដេកផ្ដិតកៀកកើយឱបរឹតនាងលាភអង្គុយយកជើងគងភ្លៅគ្នាយ៉ាងស្រើបស្រាលក្នុងផ្លូវមនោសញ្ចេតនាស្នេហាក្រៅឆាកស្ទើរតែទ្រាំមិនបានដូចពស់លេបកង្កែប ដែលកាន់តែធ្វើឲ្យអ្នកដែលបានឃើញពីគ្រប់កាយវិការរបស់តារាកំប្លែងទាំងពីរសម្លឹងមើលម្នាក់ៗស្ទើរតែជ្រុះគ្រាប់ភ្នែកធ្លាក់ដល់ដីខ្ពាកទៅហើយ។

ដោយសារតែអ្នកទាំងពីរបានបង្ហាញឲ្យឃើញនូវអ្វីដែលជាការមិនសមរម្យរវាងប្រុស និងស្រីក្នុងទីសាធារណៈជាញឹកញយនេះហើយទើបត្រូវបានគេសង្ស័យនិ ងលើកឡើងទៀតថា ទោះបីជានាយក្រឹមក៏ដូចជានាងលាភគឺជាអ្នកសិល្បៈក៏ដោយ ក៏មិនគួរណាបញ្ចេញនូវកាយវិការឱបរឹតគ្នាក្រៅឆាកក្នុងចំណោមមនុស្សម្នាកុះករ ក៏ដូចជាក្នុងពិធីជួបជុំអ្នកសិល្បៈនោះឡើយ ដែលនេះគឺជាទង្វើមួយកំពុងតែបង្កាត់នូវភ្លើងស្នេហាក្រៅឆាកយ៉ាងច្បាស់ក្រឡែត ហើយប្រសិនបើអ្នកទាំងពីរចង់ហាមាត់ប្រកែកក៏វាពិបាកនឹងធ្វើការប្រកែក ឬក៏បៀមព្រះមកស្បថក៏គេមិនជឿនោះដែរ។

ពាក់ព័ន្ធនឹងពាក្យចចាមអារ៉ាមខាងលើនេះដែរ«កម្ពុជាថ្មី»មិនអាចស្វែងរកការបំភ្លឺពីតារាកំប្លែងនាងគង់ ចាន់ស៊ីណាហៅនាងលាភបាននោះទេ។ ដោយឡែកលោកអ៊ូ ប៊ុនណារ៉ាត់ហៅនាយក្រឹមវិញក៏យើងមិនអាចទាក់ទងដើម្បីសុំការបំភ្លឺពីរឿងលេចឮនេះបានដែរកាលពីព្រឹកថ្ងៃទី២៥ ខែឧសភា ឆ្នាំ២០១៥នេះ៕

នាយក្រឹម និងនាងលាភ លួចបង្កាត់កំសួលភ្លើងស្នេហ៍ចាស់ឡើងវិញ

0 comments:

Post a Comment

Search

Popular Post

Introduction

Schedule

Total Vistitors

Visitors Online

នាយ​ក្រឹម ​និង​នាង​លាភ​ លួច​បង្កាត់​កំសួល​ភ្លើង​ស្នេហ៍​ចាស់​ឡើងវិញ