ដួងស្រីពេជ្រក្តោបបានឱកាសថតខ្សែភាពយន្តបន្តកន្ទុយគ្នារដឹក ~ រំភើបចិត្ត

ភ្នំពេញ ៖ ឈានចូលដល់ឆ្នាំ២០១៥នេះតារាសំដែងកញ្ញាដួង ស្រីពេជ្រកំពុងតែមានយីអ៊ុនឡើងស្រឺតៗដែលអាចក្តោបបានឱកាសថតខ្សែភាពយន្តខ្នាតធំនិងវីដេអូភាគជាច្រើនរឿងបន្តកន្ទុយគ្នារដឹក ហើយបើតាមការនិយាយប្រាប់ពីតារាសិល្បៈដ៏ស្រស់សោភារូបនេះឲ្យដឹងថា “រយៈពេលប្រាំខែនេះមានផលិតកម្មក្នុងស្រុកមួយចំនួនបានហៅនាងថតសំដែងរហូតដល់៧រឿងឯណោះ“។

តារាសំដែងនិងបង្ហាញម៉ូដកញ្ញាដួង ស្រីពេជ្រនិយាយទៀតថា ក្នុងចំណោម៧រឿងនោះនាងមាន ឱកាសបានដើរតួឯកចំនួន៣រឿងមានដូចជារឿង “ហ្វេសប៊ុកផ្តាច់វិញ្ញាណ” រឿង “មាសសុទ្ធ“និងរឿង“ព្រលឹង ហ្វេសប៊ុក“។ ចំណែក៤រឿងទៀតសំដែងជាតួរងដូចជារឿង “ក្រមុំសៅកែ“រឿង “សង្គ្រាមបេះដូង” រឿង“មរតកបេះដូង” និងរឿង“ខ្មោចទឹក” ហើយនិងត្រៀមថត៣រឿងទៀតគឺរឿង“ផ្កាបីទង” រឿង“ចិត្តស្អប់បង្កប់ស្នេហ៍” និងរឿង “អាមោឃលក់មុំ“។

តារាស្រីដែលសាច់ខ្ចីដូចបណ្តូលចេករូបនេះបន្ថែមថា រាល់ថ្ងៃនាងស្ទើរតែរកពេលវេលាសម្រាកគ្មាន ពីព្រោះនៅដើមឆ្នាំ២០១៥នេះការងារសិល្បៈរបស់នាងមមាញឹកខ្លាំងណាស់ទាំងការសំដែងខ្សែភាពយន្ត ដើរ ម៉ូដ ថតស្ប៉តពាណិជ្ជកម្មនិងចូលរួមនៅក្នុងកម្មវិធីផ្សេងៗរបស់ស្ថានីយទូរទស្សន៍មួយចំនួនជាដើម។

បន្ទាប់ពីអាជីពសិល្បៈជោគជ័យដែលអាចរកប្រាក់កំរៃបានរាប់ពាន់ដុល្លារក្នុងមួយខែៗនោះកញ្ញាដួង ស្រីពេជ្រក៏បានឆ្លើយតបនឹងសំណួររបស់«កម្ពុជាថ្មី»ទាក់ទងទៅនឹងរឿងរ៉ាវផ្ទាល់ខ្លួនថា រហូតមកដល់ពេលនេះចំណងស្នេហ៍រវាងនាងជាមួយនឹងអ្នកសំបូរទ្រព្យម្នាក់បានបែកបាក់ចែកផ្លូវគ្នាជាយូរមកហើយ ហើយចំពោះរឿងនេះដែរនាងមិនដែលគិតនោះទេព្រោះនាំតែអំពល់ចិត្ត៕

ដួងស្រីពេជ្រក្តោបបានឱកាសថតខ្សែភាពយន្តបន្តកន្ទុយគ្នារដឹក

0 comments:

Post a Comment

Search

Popular Post

Introduction

Schedule

Total Vistitors

Visitors Online

ដួង​ស្រី​ពេជ្រ​ក្តោប​បាន​ឱកាស​ថត​ខ្សែភាពយន្ត​បន្តកន្ទុយ​គ្នា​រដឹក